فاكرين سورة الضحي ايوه كنا حافظينها و احنا صغيرين و لسه حافظين دلوقتي او نسيناها صح كده
طيب ما تيجوا نقراااااااها مع بعض
بسم الله الرحمن الرحيم
وَالضُّحَى .... (1)
وَاللَّيْلِ إِذَا سَجَى ..... (2)
مَا وَدَّعَكَ رَبُّكَ وَمَا قَلَى ......(3)
وَلَلْآَخِرَةُ خَيْرٌ لَكَ مِنَ الْأُولَى .....(4)
وَلَسَوْفَ يُعْطِيكَ رَبُّكَ فَتَرْضَى...... (5)
أَلَمْ يَجِدْكَ يَتِيمًا فَآَوَى ....(6)
وَوَجَدَكَ ضَالًّا فَهَدَى..... (7)
وَوَجَدَكَ عَائِلًا فَأَغْنَى .....(
فَأَمَّا الْيَتِيمَ فَلَا تَقْهَرْ .....(9)
وَأَمَّا السَّائِلَ فَلَا تَنْهَرْ ....(10)
وَأَمَّا بِنِعْمَةِ رَبِّكَ فَحَدِّثْ ....(11)
قريتها كويس طيب دي كلمات ممكن تحسها من السورة بالمعاني اللي هقول عليها دي و ده مش تفسير انما نوع من الخواطر اللي بتيجي في ذهن الانسان عند سماع الايات يللا نبتدي دلوقتي ...
وَالضُّحَى .... (1)
الضحي ده النور بيجي بعد ظلام يعني ممكن يكون حاجات كتيرة اوي حلوة مرت عليك في حياتك
وَاللَّيْلِ إِذَا سَجَى ..... (2)
معني سجي غطي بظلامه او ممكن تكون حاجة تخليك تحزن او احداث غير سارة حولك جتلك بعد ما كنت في سعادة
مَا وَدَّعَكَ رَبُّكَ وَمَا قَلَى ......(3)
حتي في الوقت ده ربنا سبحانه و تعالي مش هيسيبك و افتكر دايما ان كل حاجة تحت سيطرته سبحانه و تعالي و بقدرته و بامر منه و بإذن الله الحزن اللي انت فيه ده عشان تخرج منه اقوي
وَلَلْآَخِرَةُ خَيْرٌ لَكَ مِنَ الْأُولَى .....(4)
دي بجد علاج لكتير اوي من الهموم متفتكرش ان الدنيا هي دار الاستقرار و الراحة لاء دي الاخرة هي دار الخلد و النعيم فاعلم ان الدنيا دار ابتلاء و في الاخرة ان شاء الله كل النعيم
وَلَسَوْفَ يُعْطِيكَ رَبُّكَ فَتَرْضَى...... (5)
يااااااااااااااه اكتر ايه مريحة للمكروب يعني ربنا سبحانه و تعالي مش هيفرج همك و بس لاء ده كمان -سبحانه و تعالي - هيديك لحد ما ترضي و اكثر ان شاء الله و اوعي تنسي وَلَسَوْفَ يُعْطِيكَ رَبُّكَ فَتَرْضَى...... (5)
أَلَمْ يَجِدْكَ يَتِيمًا فَآَوَى ....(6)
افتكر نعم ربنا سبحانه و تعالي عليك يعني لو كنت يتيم بدون اب او ام كنت هتعيش ازاي ؟ انما انت الحمد لله لك اب و ام يتكفلوا بيك
و حتي لو ملكش عندك برضه اللي يقدر يكفيك و يخليك تعيش فقول من قلبك الحمد لله
وَوَجَدَكَ ضَالًّا فَهَدَى..... (7)
احمد ربنا اوي علي اعظم نعمة في حياتك و هي نعمة الاسلام تخيل لو حضرتك كنت هندوسي بتعبد البقر او كنت غير مسلم و شريعتك تأمرك بما فيه الضلال و كنت محروم من نعمة العبادة لله و من نعمة القرآن
تخيل لو كنت مبتصليش او كنت علي معصية مستمرة و ربنا سبحانه و تعالي نجاك منها
من غير تخيل انت مش كنت زمان بتعمل معاصي كتيرة اوي و ربنا سبحانه و تعالي نجاك منها غيرك لحد النهاردة مش قادر يتخلص منها و جايز يُختم له بها افتكر ده كويس
فالحمد لله علي نعمة الاسلام و الهداية و احمد ربنا علي النعمة دي اوي
وَوَجَدَكَ عَائِلًا فَأَغْنَى .....(
عائلا معناها فقيرا و برضه معني الاية في نفس المعاني اللي فاتت
فَأَمَّا الْيَتِيمَ فَلَا تَقْهَرْ .....(9) ***** وَأَمَّا السَّائِلَ فَلَا تَنْهَرْ ....(10)
دي نصايح غالية اوي للتعامل مع اللي كانوا في كرب زيك او في مشكلتك او مشاكل مشابهة انك ترحمهم و تنصحهم و تعاملهم بالحسني و اللين و من غير تكبر او عصبية
وَأَمَّا بِنِعْمَةِ رَبِّكَ فَحَدِّثْ ....(11)
دي برضه نصيحة غالية انك تقول ازاي ربنا سبحانه و تعالي انعم عليك و ازاي كانت حالتك في الاول عشان يزيد شكرك لربنا و يزيد تقديرك للنعمة و كمان تدي غير الامل
راجيه من الله ان ينال اعجابكم
موضوع: تامل فى سوره الضحى 
الثلاثاء سبتمبر 01, 2009 5:57 am